Rregullat e kujdesit për implantet pas vendosjes së kurorave

Pasi të keni kaluar disa etapa të vështira dhe të gjata të implantimit dhe të keni vendosur kurorën, dëshironi ta ruani këtë rezultat sa më gjatë të jetë e mundur.

Menjëherë pas implantimit të dhëmbëve dhe deri në shërimin e plotë të indeve të buta e heqjen e qepjeve, është e nevojshme t’u përmbaheni këtyre rregullave të higjienës:

• Mos e pastroni me furçë zonën e operuar në ditën e ndërhyrjes;
• Për larjen e dhëmbëve përdorni një furçë me fije të buta (Soft);
• Shmangni pijet dhe ushqimet e nxehta apo shumë të ftohta, si dhe ushqimet e kripura, të tharta dhe me erëza;
• Mos konsumoni ushqime të forta;
• Mundohuni ta përtypni ushqimin nga ana e shëndetshme e nofullës;
• Duke filluar nga dita e dytë, shpëlani zgavrën e gojës me tretësirë kripe ose me antiseptik çdo 2 orë dhe pas çdo vakti.

Ndryshe nga dhëmbët natyralë, kurorat mbi implante nuk e ndryshojnë ngjyrën e tyre origjinale, nuk prekën nga kariesi dhe duken më estetike. Megjithatë, ato kërkojnë të njëjtin kujdes të rregullt dhe të kujdesshëm si dhëmbët natyralë — përndryshe, implantet mund të humbasin.